RUAHA CATHOLIC UNIVERSITY

Makala hii imechunguza sera na dhamira ya ujamaa nchini Tanzania. Data za msingi zilizotumika katika makala haya zilipatikana maktabani kwa mbinu ya usomaji makini. Matini mbalimbali zilichunguzwa ili kupata data za msingi. Uchambuzi na mjadala wa data zilizowasilishwa katika makala hii umeongozwa na nadharia ya Uhalisia. Matokeo katika makala hii yanaonesha kuwa misingi ya sera za Azimio la Arusha na ujenzi wa Ujamaa wa Tanzania ulikabiliwa na masuala mbalimbali yaliyoaathiri utekelezaji wake. Mkakati wa kuwahamisha wananchi kwa nguvu katika vijiji vya maendeleo ulipingana na haki za binadamu kwa kuwa baadhi ya viongozi walitumia nguvu kupita kiasi. Pia, uliathiri kilimo cha mazao ya kudumu ya biashara katika baadhi ya mikoa. Azimio la Arusha lilionekana kuwa ni sera iliyoshindwa kufanya kazi na kuleta maendeleo. Makala hii inahitimisha kuwa Azimio la Arusha lilifumbata itikadi, dira na mwongozo wa taifa. Azimio la Arusha lilihitaji kufanyiwa marekebisho ili liendane na mazingira ya sasa ya ulimwengu badala ya kulitupa kabisa. Tatizo kubwa lililopo sasa ni kwamba kila awamu ya uongozi unakuwa na mtazamo na mwelekeo binafsi wa kuendesha nchi.

Azimio la Arusha, Sera za Azimio la Arusha, Dhamira za Azimio la Arusha na Ujamaa wa Tanzania.