RUAHA CATHOLIC UNIVERSITY

Makala haya yamechunguza mchango wa lugha asili za Kibantu katika kuendeleza historia ya lugha ya Kiswahili. Makala haya ni matokeo ya kuwepo kwa hoja za wataalamu mbalimbali zinazosigana kuhusu Ubantu wa lugha ya Kiswahili. Uchunguzi, katika makala haya, umefanywa kwa kujikita katika misingi ya ushahidi wa kiisimu. Ushahidi wa kiisimu umefanyika kwa kuzingatia uchunguzi wa lugha ya Kiswahili katika mfumo mzima wa historia ya mgawanyiko wa kusambaa kwa lugha za Kibantu. Ushahidi wa data za kiisimu umerejelewa kwa kuzingatia mwachano na umbali wa kijiografia baina ya jamiilugha moja na nyingine kutoka katika baadhi ya lugha za Kibantu kutoka nchini Tanzania, Zambia na Burundi ili kuthibitisha Ubantu wa lugha ya Kiswahili. Data za msingi za makala zilikusanywa kwa mbinu za uwandani na maktabani. Mbinu ya mahojiano ilitumika kupata data za msingi. Mapitio ya nyaraka zilizotumika kufafanua na kuthibitisha data za msingi yalipatikana kwa mbinu za usomaji wa nyaraka zilizopo maktabani na mtandaoni. Makala haya yanahitimisha kuwa Kiswahili ni mojawapo ya lugha katika jamii kubwa ya lugha za Kibantu.

Kiswahili, Lugha za Kibantu, IsimuLinganishi, Isimu-Historia na Ushahidi wa Kiisimu