RUAHA CATHOLIC UNIVERSITY

Makala hii inahusu mdhihiriko wa vionjo vya fasihi ya kisasa katika nyimbo teule za Taarabu. Data za msingi zilizofafanuliwa katika makala hii zimepatikana maktabani kwa kutumia njia ya uchanganuzi wa matini. Nadharia ya Usasa imetumika kama kiunzi muhimu katika ukusanyaji, uchambuzi na mjadala wa data zilizowasilishwa katika makala hii. Makala imebaini kuwa nyimbo za Kiswahili za Taarabu zina ukwasi wa vionjo ambavyo vinaziweka katika kapu la fasihi ya kisasa. Vionjo hivyo ni pamoja na mwanzo wenye kiitikio chenyesauti kali na zenye vishindo, matumizi ya mbinu ya cheba, matumizi ya maneno ya mtaani na matumizi ya nyenzo za kisayansi na kiteknolojia. Nyimbo hizi zimekuwa zikitumia mashairi ya mipasho, mwingiliano wa wimbo ndani ya wimbo, kuchanganya ndimi na kuhitimishwa na sehemu ya ngoma chini. Makala hii inahitimisha kwamba nyimbo za Kiswahili za Taarabu zimefumbata vionjo vya kisasa ambavyo vinazifanya kuwa na mabadiliko makubwa na kuzidi kujiimarisha kwa hadhira ya sasa.

Vionjo, Nyimbo, Fasihi ya Kisasa na Nyimbo za Taarabu.