RUAHA CATHOLIC UNIVERSITY

Makala hii imechunguza kuhusu faida za utumizi wa ramani ya dhana katika kufundishia kiswahili shule za msingi mkoani Dodoma. Mbinu za usaili na ushuhudiaji zimetumika kupata data za msingi. Data za msingi zilichambuliwa kwa kutumia mkabala wa Kitaamuli. Nadharia ya Ujenzi wa Maana ya Vygotsky imetumika katika kujadili masuala mbalimbali na kutoa picha halisi ya faida za utumiaji wa ramani ya dhana katika ufundishaji wa msamiati. Matokeo ya makala hii yameonesha kuwa kuna uhusiano mkubwa kati ya matumizi ya ramani ya dhana na ufundishaji wa misamiati ya lugha. Baadhi ya faida za kutumia ramani ya dhana kutafuatia maarifa ya awali ya mwanafunzi ni kupata maarifa ya maana elekezi, kutathmini kiwango cha uelewa wa mwanafunzi, kuwezesha utungaji wa msamiati, kujenga tajiriba ya kujieleza wakati wa ufundishaji na ujifunzaji wa msamiati na kutumika kama zana ya kufundishia na kujifunzia. Makala hii inapendekeza kuwa ramani ya dhana ni mbinu bora si tu inajenga uwezo mkubwa kwa wanafunzi katika kujifunza msamiati wa Kiswahili, bali ni mbinu yenye ufanisi mkubwa wa kutolea maarifa katika ufundishaji wowote.

Lugha, Msamiati, Ramani ya Dhana na Kiswahili.