RUAHA CATHOLIC UNIVERSITY

Makala hii imechunguza hali na hadhi ya mwanamke kwa kurejelea riwaya ya Dunia Uwanja wa Fujo. Data za msingi zilizotumika katika makala zilipatikana kwa mbinu ya usomaji makini. Mbinu ya uteuzi lengwa ilitumika kupata data za msingi kutoka katika riwaya teule. Uchambuzi na mjadala wa data zilizowasilishwa katika makala hii umeongozwa na nadharia ya Ufeministi. Matokeo katika makala hii yanaonesha kuwa mwanamke amebainishwa katika nafasi mbalimbali zinazohusu malezi, utoaji wa maamuzi, ulaghai na usaliti katika mapenzi na ndoa. Mtazamo hasi unaodokezwa kuhusu mwanamke unasababishwa na harakati za mwanaume zinazowabana na kuwatumbukiza wanawake kufikia hapo walipo. Makala hii inahitimisha kuwa jamii inatakiwa kuchukua hatua za msingi za kuondokana na jambo linalowadhalilisha na kuwafanya wanawake wapuuzwe na kutazamwa katika udhaifu. Mwanamke hana budi kujijengea misingi imara ya kujitegemeana kufanya shughuli halali zenye tija ili kuiendeleza na kuidumisha heshima anayostahili katika jamii na taifa lake.

Hali, Hadhi, Mwanamke, Ufeministi na Fasihi ya Kiswahili