RUAHA CATHOLIC UNIVERSITY

Makala haya yamechunguza dhamira za misemo katika jamii ya Wairaqw nchini Tanzania kwa kudokeza namna mifumo ya maisha ya jamii inavyoakisiwa katika kazi za kifasihi kwa kurejelea utanzu teule wa misemo ya jamii ya Wairaqw hapa nchini. Data za msingi zilikusanywa katika misemo ya jamii ya Wairaqw kwa mbinu za mahojiano na majadiliano. Lugha za Kiswahili na Kiiraqw zilitumika katika mahojiano, majadiliano na unukuzi wa data. Mbinu ya uteuzi lengwa ilitumika kupata watafitiwa waliosaidia kupata na kutafsiri data zilizokusanywa. Uchambuzi na mjadala wa data zilizowasilishwa umeongozwa na nadharia ya Usosholojia. Dhamira zilizochunguzwa hutumika kama maktaba mahsusi ya urejelezi wa masuala ya kijamii na kiungo thabiti cha kiasili kinachojenga mfumo wa kuifunza, kuiimarisha na kuiweka jamii pamoja katika misingi ya utamaduni na falsafa nzima ya maisha tangu kale mpaka sasa. Mwisho, misemo ni matendo ya msingi ya binadamu; na ni mojawapo ya vyombo thabiti vya kijadi vinavyopewa uwanja mpana katika kutekeleza, kuongoza na kutoa elimu kuhusu tabia na mienendo inayohitajika katika jamii.

Jamii ya Wairaqw, misemo, Tanzania