RUAHA CATHOLIC UNIVERSITY

Malezi ni jambo la muhimu sana katika jamii yoyote. Ni mchakato wa muda mrefu ambao huhusisha mzazi ama mlezi na mtoto katika makuzi yake. Katika jamii za Kiafrika suala la malezi hufanywa kwa kiasi kikubwa na wanawake. Makala haya yanakusudia kuchunguza usawiri wa nafasi ya wanawake katika malezi katika jamii. Makala yameongozwa na Nadharia za Ufeministi wa Kiafrika na Mwingilianomatini. Data zimepatikana kwa njia ya udurusu matini kwa kusikiliza mashairi ya nyimbo za Bongo fleva katika mtandao wa YouTube. Mbinu iliyotumika kupata nyimbo zilizotafitiwa ni usampulishaji lengwa ambapo mtafiti alisikiliza nyimbo nyingi na kupata jumla ya nyimbo kumi na saba za Bongo fleva zinazozungumzia nafasi ya mwanamke katika malezi ya watoto. Data katika makala haya zimefafanuliwa kwa njia ya maelezo. Utafiti ulibaini kuwepo mchango mkubwa unaofanywa na wanawake katika malezi kwenye jamii kama ulivyosawiriwa katika nyimbo teule za Bongo fleva. Pia utafiti ulijielekeza katika kuangalia athari hasi za kukosekana kwa nafasi ya mama2 katika malezi na makuzi ya mtoto.

Bongo fleva, malezi, usawiri.