RUAHA CATHOLIC UNIVERSITY

Makala haya yanachunguza suala la Ubiblia katika tamthiliya teule za Emmanuel Mbogo. Data za msingi za makala haya zimepatikana katika tamthiliya za Nyerere na Safari ya Kanaani (2015) na Sadaka ya John Okello (2015). Ubiblia umeonyeshwa kwenye tamthiliya hizo kupitia vipengele vyake vya kifani vinavyojitokeza katika kazi teule. Katika makala haya tumetumia mbinu ya usomaji makini kwa kusoma na kuchunguza tamthiliya teule. Uchambuzi wa data katika utafiti huu umefanywa kwa kutumia mkabala wa kimaelezo. Nadharia ya Mwingilianomatini ndiyo iliyotumika katika ukusanyaji, uchambuzi na mjadala wa data za utafiti. Makala haya yamebaini kwamba kuna Ubiblia mwingi katika tamthiliya tafitiwa alizoandika Emmanuel Mbogo.Ubiblia huo unajitokeza kupitia vipengele vya majina ya tamthiliya, masimulizi ya Biblia, wahusika wa Biblia, nukuu za Biblia na mitindo ya Biblia. Wasomaji wa kazi hizi waliopata kukutana na Biblia kabla, wakikutana na kazi hizo za kifasihi wanabaini taswira za Biblia bila kiza chochote. Msomaji wa kazi hizi za fasihi atabaini kwamba vipengele vya Biblia vilivyotumika katika tamthiliya teule vinaendana sawasawa na yale yaliyojiri kwenye Biblia. Matokeo ya utafiti yanaonesha kuna uhusiano kati ya kazi za fasihi za Emmanuel Mbogo na yale yaliyoko katika Biblia.Makala haya yanahitimisha kuwa Ubiblia unaojithihirisha katika Nyerere na Safari ya Kanaani na Sadaka ya John Okelloumehusisha matukio halisi na matukio ya kazi nyingine za Kibiblia

Ubiblia, Fasihi ya Kiswahili, Nadharia ya Mwingilianomatini