RUAHA CATHOLIC UNIVERSITY

Utafiti huu unachunguza umuhimu wa Matini Halisi zinazoakisi utamaduni wa lugha husika katika kujifunza Lg2. Utafiti huu ni wa kimaktaba. Mbinu ya ukusanyaji wa data iliyotumika ni uchanganuzi wa nyaraka. Data za msingi zilikusanywa katika Chuo Kikuu cha Dar es Salaam. Utafiti huu umebaini kuwa Matini Halisi za kufundishia Lg2 lazima ziwe zimezingatia mazingira yanayohusika ambamo zitatumika na zichochee maingiliano na uzalifu. Pia, zizingatie maumbo na dhima ya Lg2 na shurti zifungamanishe stadi zote za lugha za kusikiliza, kuzungumza, kusoma, kuandika na utamaduni. Kwa upande wa mchango wa Matini Halisi zilizozingatia utamaduni wa lugha lengwa, mjifunzaji Lg2 anahusisha moja kwa moja matini anayoitumia na kitu anachojifunza. Mjifunzaji anapata uelewa wa kujieleza kwa urahisi na anajifunza kwa urahisi misamiati mipya kupitia maelezo au ufafanuzi uliomo katika matini hizo. Mjifunzaji wa Lg2 anapata motisha ya kujifunza kupitia mtini hizo. Mjifunzaji wa Lg2 hukuza stadi za lugha katika hali ya ung‟amuzitambuzi. Makala yamehitimisha kwamba ili matini halisi ziwe na tija kwa wajifunzaji shurti ziwe nyumbufu na kwenda na wakati.

Matini Halisi, Uhalisi wa Matini, Uhalisi wa Matini Kiuendelevu na Uhalisi wa Matini Kimatumizi.