RUAHA CATHOLIC UNIVERSITY

Usasanyuzi dosari ni eneo muhimu katika taaluma ya isimu tumizi. Vilevile, ni mbinu pangilifu ya kuchanganua dosari za mjifunzaji lugha. Kitaaluma dosari si kitu kibaya bali ni kipengele muhimu sana katika mchakato wa ujifunzaji lugha. Dosari husaidia kutambua mchakato changamani wa maendeleo ya lugha na namna pangilifu ya kubaini, kueleza na kufafanua dosari za mjifunzaji lugha. Pia, dosari zinaweza kusaidia kutoa welewa wa mchakato wa kuamili Lugha ya pili. Makala haya, kwa hiyo, yanalenga: kubainisha dosari zinazojitokeza kwa wajifunzaji wa Kiswahili katika jamii ya Wakinga, sababu za wajifunzaji wa lugha ya pili katika jamii ya Wakinga na kupendekeza mikakati ya kupunguza hizo dosari. Baadhi ya dosari zilizobainika ni dosari za undoshaji wa fonimu /h/, uchopekaji wa fonimu /u/ na dosari za kimuundo; yaani ukosefu wa upatanisho wa kisarufi. Dosari hizi za uchopekaji zimesababishwa na uhawilishaji wa kanuni za lugha ya kwanza katika lugha ya Kiswahili; ambapo mjifunzaji wa lugha ya pili amehamisha utaratibu wa lugha yake ya kwanza na kuutumia kwenye lugha ya pili anayojifunza na kusababisha dosari. Aina hii ya uhawilishaji ni uhawilishaji hasi. Makala yanahitimisha kwamba dosari hizi zinachangiwa kwa kiasi kikubwa na lugha yao ya kwanza.

dosari, usasanyizi dosari na uhawilishaji