RUAHA CATHOLIC UNIVERSITY

Utafiti huu ulitathmini athari za matamshi za Kihaya kama lugha ya kwaza kwa wanaojifunza Kiswahili sanifu kama lugha ya pili. Wataalamu wengi wanakubaliana kuwa lugha zinapokutana huwa zinaathiriana. Utafiti ulifanyika katika mkoa wa Kagera katika wilaya ya Missenyi, Tanzania. Mbinu zilizotumika kukusanya data ni hojaji na ushuhudiaji. Data za utafiti huu zimechanganuliwa kwa mkabala wa kimaelezo na kuongozwa na Nadharia ya Lugha Kadirifu. Matokeo ya utafiti yanaonesha kuwa, kuna athari za uchopekaji wa fonimu, udondoshaji wa fonimu na kubadilisha fonimu. Aidha, Makala hii imeweka bayana mbinu zinazotumiwa na walimu kuwasaidia wazungumzaji wa Kihaya kujifunza Kiswahili sanifu ambazo ni kusoma kwa sauti, masahihisho kwa fonimu, nyimbo, kurudia rudia kutamka maneno, kutumia vielelezo na michoro na kuwapatia wanafunzi kazi za kutafuta maneno yenye silabi husika.

Athari za matamshi, lugha ya Kihaya, lugha ya Kiswahili, sanifu