RUAHA CATHOLIC UNIVERSITY

Makala hii inahusu tathmini ya mbinu na nafasi ya tafsiri katika uundaji wa istilahi za sayansi na teknolojia kwa kutumia mifano kutoka katika programu za Klinux na Microsoft zilizotafsiriwa kutoka Kiingereza kwenda Kiswahili. Utafiti huu ulibaini mbinu za tafsiri ambazo zimetumika katika uundaji wa istilahi za sayansi na teknolojia na nafasi ya tafsiri katika uundaji wa istilahi za sayansi na teknolojia. Data za makala hii zilikusanywa kwa kutumia mbinu mbili za ukusanyaji wa data ambazo ni mbinu ya usomaji wa machapisho na mbinu ya usaili. Nadharia ya Ulinganifu wa aina ya matini iliyoasisiwa na Leiss ilitumika katika uchambuzi na uwasilishaji wa data. Makala hii imebaini mbinu zinazotumika na nafasi yake katika uundaji wa istilahi za sayansi na teknolojia ambapo mbinu hizo pia hutumika katika kupata istilahi za maneno na maana mpya katika lugha lengwa. Makala hii inahitimisha kuwa uundaji wa istilahi za sayansi na teknolojia unategemea nadharia na mbinu za tafsiri ili kupata maana na matumizi ya istilahi za lugha chanzi katika lugha lengwa. Hivyo, tafsiri ni daraja na nyenzo muhimu katika uundaji wa istilahi mpya ndani ya jamii hususan istilahi zinazotokana na maendeleo ya sayansi na teknolojia.

Istilahi, Sayansi, Teknolojia, Klinux na Microsoft.