RUAHA CATHOLIC UNIVERSITY

Makala hii imechunguza matumizi ya lugha yanavyoibua dhamira katika ushairi wa Kiswahili. Utafiti huu umefanywa kwa kurejelea diwani mbili, yaani Wasakatonge (2003) na Chini ya Mwembe (2017). Data za msingi za makala hii zilipatikana maktabani kwa mbinu ya usomaji makini na uchambuzi wa nyaraka. Matokeo ya utafiti uliozaa makala hii yameonesha jinsi kipengele cha lugha kinavyoibua dhamira katika diwani teule. Vipengele vya lugha vilivyowasilishwa vilikitwa katika mazingira, historia na utamaduni wa jamii iliyomkuza na kumlea mwandishi. Pia, imeonesha kuwa lugha na dhamira ni vipengele vinavyotegemeana na kukamilishana katika kazi ya fasihi. Makala hii inapendekeza kuwa serikali itunge kanuni na sheria kali ili kudhibiti matumizi ya lugha ya fasihi za kigeni zisizoendana na uhalisia wa mazingira ya Tanzania na Afrika kwa ujumla.

Matumizi ya Lugha, Dhamira na Ushairi wa Kiswahili.