RUAHA CATHOLIC UNIVERSITY

Makala hii imechunguza nafasi ya lahaja ya Kiamu kama lugha ya usomi baina ya Waswahili katika Pwani ya Afrika Mashariki kabla ya kuja kwa wageni na kusanifishwa kwa Kiswahili. Utafiti huu ni wa kimaktaba ambapo data za msingi zimepatikana kwa mbinu ya kimaktaba. Uchambuzi wa data umeongozwa na nadharia ya Daiglosia. Matokeo ya makala hii yanaonesha kuwa lahaja ya Kiamu ndiyo ilipewa hadhi ya juu ya kutumika kama lugha ya usomi wa Waswahili katika jamii za Afrika Mashariki. Pia, inahitimisha kuwa lahaja ya Kiamu ni lahaja muhimu katika historia na maendeleo ya jamii ya Waswahili na matumizi yake katika nyanja za sarufi, fasihi na uandishi zilitumiwa kuipa sifa ya kitaaluma kazi inayohusika. Makala hii inapendekeza kuwa Kiamu kutumika katika usomi wa kale wa jamii ya Waswahili kabla ya usanifishaji wa Kiswahili haina maana kwamba lahaja ya Kiamu ilikuwa bora kuliko lahaja zingine bali ilipewa tu hadhi ya kutumika katika shughuli za usomi. Uchunguzi zaidi kuhusu matumizi ya Kiamu katika visiwa vya Komoro, Unguja na sehemu za Kongo ni muhimu.

Lugha ya Usomi, Kiamu, Waswahili, Lahaja na Daiglosia