RUAHA CATHOLIC UNIVERSITY

Makala hii imechunguza dhamira za nyimbo za Wakaguru katika kujenga na kuimarisha mafunzo ya jadi nchini Tanzania. Data za msingi za makala hii zilikusanywa uwandani kwa kutumia mbinu za mahojiano na usaili. Utafiti ulifanyika uwandani katika mkoa wa Morogoro, wilaya ya Gairo. Utafiti uliozaa makala hii umebaini kuwa dhamira za nyimbo za Wakaguru hutumiwa kama ghala maalumu lililosheheni taarifa na maarifa yaliyopo katika jamii. Nyimbo hizo zinasaidia kuifunza jamii masuala ya utamaduni, siasa na uchumi wa jamii hiyo kutoka kizazi kimoja hadi kizazi kingine. Misingi ya mila, desturi, falsafa, historia na maendeleo yao yanarejelewa katika vipengele vingi vya maisha yao ya jadi. Pia, hutumika kama kiungo thabiti cha kiasili kinachojenga mfumo wa kuifunza, kuiimarisha na kuiweka jamii pamoja katika misingi ya utamaduni na falsafa nzima ya maisha tangu kale mpaka sasa. Makala hii inapendekeza kuwa ufundishwaji wa fasihi za jadi utolewe na taasisi husika na zifanyiwe tarijama kwa ajili ya vizazi vilivyopo na vijavyo. Pia, serikali itunge kanuni kali za kudhibiti matumizi ya fasihi za kigeni zisizoendana na uhalisi wa mazingira ya kiasili, zikiwemo kanda za picha za utupu.

Nyimbo za kiasili, nyimbo za Wakaguru na mafunzo ya Jadi.