RUAHA CATHOLIC UNIVERSITY

Makala hii imechunguza nafasi ya ontolojia ya Kiafrika kwa kurejelea jamii ya Wanyakyusa nchini Tanzania. Data za msingi zilipatikana kwa mbinu ya mahojiano na usaili katika wilaya ya Rungwe na halmashauri ya Busokelo. Nadharia ya Usosholojia ilitumika katika uchambuzi na mjadala wa data zilizowasilishwa. Matokeo ya makala hii yanaonesha umuhimu wa ontolojia ya Kiafrika katika kuijenga na kuiendeleza misingi imara ya kimaadili, kifalsafa na kiutamaduni ili kuyakabili maisha na mazingira yao. Pia, inatazamwa kama maktaba mahsusi ya ufafanuzi na urejelezi wa masuala ya kiasili na kiutamaduni yanayotumika kama kiungo thabiti cha kiasili kinachojenga mfumo wa kuifunza, kuimarisha na kuiweka jamii pamoja katika misingi imara ya kimaisha na kimazingira. Makala hii inahitimisha kuwa falsafa ya Kiafrika imejikita katika masuala ya kiontolojia ya kila jamii kwa kuchunguza hali, kanuni za uhalisi, chimbuko, kanuni na hatima ya kuwapo kwa watu, vitu au maumbile.

Ontologia ya Kiafrika, Wanyakyusa, Utamaduni na Falsafa ya Kiafrika.