RUAHA CATHOLIC UNIVERSITY

Makala haya yamechunguza hali na mtazamo hasi wa maendeleo ya mwanamke katika jamii kwa kurejelea riwaya ya Kiswahili.Data za msingi zimepatikana katika riwaya ya Wasifu wa Siti Binti Saad kwa mbinu ya usomaji makini. Mapitio ya nyaraka zilizotumika kufafanua data za msingi zilipatikana kwa mbinu za kieletroniki na kimaktaba.Uchambuzi na mjadala wa data zilizowasilishwa uliongozwa na nadharia ya Ufeministi.Makala haya yanaelezea namna mwanamke anavyoakisiwa katika shughuli mbalimbali za kijamii kupitia utanzu wariwaya ya Kiswahili. Aidha, inadokeza hali halisi ya maisha na matokeo ya harakati za mwanamke pamoja na namna jamii inavyomtazama katika maisha yake ya kila siku. Makala haya yanalenga kuchochea mwamko thabiti wa fikira zake ili kunyanyua na kutetea nafasi, hadhi na thamani ya kiutu anayostahiki katika ngazi na asasi mbalimbali za kijamii. Makala hii inahitimisha kuwa mwanamke hapaswi kutazamwa katika hali ya kupuuzwa na kukandamizwa badala ya kumtazama kama mhimili thabiti katika mifumo ya malezi, uzalishaji mali na uchumi katika ngazi zote za jamii na taifa.

Hali, Hadhi, Mtazamo Hasi, Mwanamke na Fasihi ya Kiswahili