RUAHA CATHOLIC UNIVERSITY

Makala hii inashughulikia ufutuhi katika katuni za kisiasa za Masoud Kipanya. Kilichochunguzwa hapa ni mbinu za ufutuhi katika katuni za kisiasa na namna zinavyowasilisha mawazo ya kisiasa katika jamii ya Tanzania. Data za msingi zilikusanywa maktabani kwa mbinu ya uchanganuzi matini wa katuni zilizochapishwa katika akaunti ya Masoud Kipanya katika mtandao wa kijamii wa Instagram. Data za upili kwa ajili ya ufafanuzi wa data za msingi zilipatikana kwa mbinu ya usomaji wa nyaraka. Nadharia ya Semiotiki imetumika ili kufasili ishara za katuni na mawazo ya kisiasa yanayowasilishwa na mbinu za ufutuhi. Makala hii imebainisha kuwa katuni za kisiasa za Kipanya hutumia mbinu za ufutuhi katika kujadili na kuwasilisha mawazo mbalimbali ya kisiasa. Mbinu za ufutuhi ni muhimu katika kuwasilisha ujumbe uliokusudiwa. Makala hii inapendekeza kufanyika kwa tafiti zaidi kuhusu ufutuhi katika tanzu mbalimbali za fasihi.

Ufutuhi, mbinu za ufutuhi, katuni, katuni za kisiasa na mtandaoni